هقولك ايه ......وحشتيني

هقولك ايه ......

وحشتيني

يا نبض الحرف ف كلامي

يا كل النور ف أحلامي

يا بسمة شوق

بتكويني

هقولك ايه

وحشتيني
--
كلامى أكيد مهيكفيش

ولو جيبت البحور تكتب

وحشتيني

ياريت ارتاح

ولمسة كفك البلسم

تروح للقلب وتطبطب

ويرتاح بين عيون الفجر

من كل الألم يهرب

ولو يقدر

يخبيكي

وجواكي يخبيني

هقولك ايه ....

وحشتيني
--
عيونك ضي جوايا

بترسم بسمتك فيا

ومهما الناس تدوب احزان

ومهما الناس تشوف احلامها مش هي

عيونك حلم ف عنيا

ف وسط اليأس..

يحييني

هقولك ايه ....

وحشتيني
--
مانيش تايه أنا بعدك

ولا خايف بعيد عنك

لأنك لسه جوايا

وبسمع كل يوم لحنك

رموشك زقزقة عصافير

وهمس الفجر غار منك

غناوى الضي بتقول لك

يا حلم جميل

هزمتيني

هقولك ايه ......