موضوع خاص بالفضفضة

تذكير بمساهمة فاتح الموضوع :

أبدأ أنا
-----
.....
أنا الطايش
انا الحلم اللي بيناغش
ف لقطة صدق ممسوحة
ومرمية
ف جنب طريق
أنا البحر اللي بيحاول
برغم الهوجة والزحمة ينجي غريق
أنا التفريق.....
بيجمعني
وكل ملامحك السودة
علي الموضة
بتوجعني
أنا المعني
ف نطق الأهة والدمعة
منيش شمعة
ف ركن بعيد ومش باين
أنا الكاين
ف كل بروز
ونفس وريدك الدامي
بيرميني
وينزفني
أنا اللي عارفني ..
من بدري ...
مواطن من بلد تالت
أنا الفالت ...
عشان أضحك
رمانى الضحك
ولقيتك
*-*

كل حلم ملهوشي عازة
اولي انك تصحي فيه
للوجع في البوح لذاذه
قول لماذا.... بتصطفيه

افتح الباب الموارب من زمان
طلع عينيك بره الإطار
حاول وجرب تعترف
إن الحقيقة بتختلف
عن نص شيش
وإن الحياة مش مسألة
شيش ولا بيش
وإن الأمل محتاج قوي يحضن خيوط ..
للشمس
فياريت تحاول
تفتح الباب الموارب من زمان

وليه الفضفضات ملّت
وليه الضحكة فيك كلّت
وليه في القرب واتشلّت
خطي الأحلام
*-*
وصلت لأخر السكة ....وموصلتش
سكنت ف دنية الربكة ...ومسكنتش
عزفت الأهة ع الدبكة ...ومعزفتش
سوي للقلب ...
يدّاري
عليك البيعة بخسارة
ماهيش حارة...
دا كون واسع
بيرمي علنا أحماله

متشنكله
كام حاجة فيك
لسه السكك متعورة من كام رصيف
نص الغبار سد الطريق
والباقي بيعفر بناس
الحلم....
بيطلع لسانه لكل شئ
المغرمين بالعيشه ع الكوكب خلاص
جالهم قرار الوالي
بالهجرة
..
يا تجمع الأجرة
يا تجمع الأوجاع

متشنكله
كام حاجة فيك
لسه السكك متعورة من كام رصيف
نص الغبار سد الطريق
والباقي بيعفر بناس
الحلم....
بيطلع لسانه لكل شئ
المغرمين بالعيشه ع الكوكب خلاص
جالهم قرار الوالي
بالهجرة
..
حاجز عطارد أنا...
وبحن للزهرة

الشمس
مش ملك يمينك
والأيام بتدور

والمأمور والكلب بتاعه
مش أطول م النور

كل الحقائب تحتوى مدنى

أخيرا عرفتك بإنك عجوز
بتنهج في لحظة سعادتك وترفض يبان إعترافك وتهتف...
يجوز..!؟
بتصبغ كلامك ..
بتمضغ ألامك..
وتضحك ...
وضحكك مجرد بروز

إفرد روحك
نفض قلبك م الأوجاع
وافتح لون النبره
ف صوتك
لازم قبل اليوم ما يفوت
تاخد حق النور
من موتك

الحياه
أوضتين وحس

حزن ناقص ... كمليه
جرح روحي ...جمليه
أي فعل يهز بكره
بعد إذنك ...
إعمليه
انت ضرة وخلف در
نص سكة حلاها مر
حتي لما ف يوم تسر
يبقي

مصر ضرة وخلف در

الحياه
أوضتين وحس
ضلع قادر يشفي يومك
بنت .. روح
نظرتين ف عنيها يكفوا
كل خوف الكون
يروح

أوجاعنا بنيت علي ضربك
ياللي انتزعتى الحلم من دربك

أوجاعنا بنيت علي ..
*نفسي الخطيئة لم تنصب داخلها
والكل غيري في الأخطاء ينسابوا

* من منكموا للحلم يحمل رؤيتي
فأنا وحلمي في الرؤي أصحاب
*

أوجاعنا بنيت علي ..
..
*نفسي الخطيئة لم تنصب داخلها
والكل غيري في الأخطاء ينسابوا
...
*وأنا الحقيقة والحقيقة موقفي
ف الحلم يملك داخلي الأسباب
...
*كل الرؤي أضغاث إن جائت بلا
توقيعنا الممهور ... بالترحاب

أوجاعنا بنيّت علي ..
..
*نفسي الخطيئة لم تنصب داخلها
والكل غيري في الأخطاء ينسابوا
...
*وأنا الحقيقة والحقيقة موقفي
ف الحلم يملك داخلي الأسباب
...
*كل الرؤي أضغاث إن جائت بلا
...
توقيع سيادته وطبل من نصابه

شك شكشك شكل شاب

شوقك ورق
مبقاش يدوقه السن ويحسه
حبر الحكاوي نزف مش مشروع
روح المعاني ... بتشتهي لمسه
بس الحقيقة الاقتراب ... ممنوع

إلا إذا ..
كنت إنت م المحاسيب
أو لك قرابة ف نسل هذا الديب
يا أيها المتربي بالترهيب
عشمان تصيب والقلب بك منزوع

سنتشارك في كسرة الظل - بقايا الفراش - والضحكة المنزوعة الأظافر
في كل ما تلقيه يا مولاي
لنا سجدات شكر
وترنيمة

لنا سجدات شكر
في كل ما تلقيه يا مولاي
مادام قد أبقت لنا.. الأنياب والحوافر
سنتشارك في كسرة الظل - بقايا الفراش -
...
......
والضحكة المنزوعة الأظافر

هذا الوطن
بحرين وشط مالوش قرار