موضوع خاص بالفضفضة

تذكير بمساهمة فاتح الموضوع :

أبدأ أنا
-----
.....
أنا الطايش
انا الحلم اللي بيناغش
ف لقطة صدق ممسوحة
ومرمية
ف جنب طريق
أنا البحر اللي بيحاول
برغم الهوجة والزحمة ينجي غريق
أنا التفريق.....
بيجمعني
وكل ملامحك السودة
علي الموضة
بتوجعني
أنا المعني
ف نطق الأهة والدمعة
منيش شمعة
ف ركن بعيد ومش باين
أنا الكاين
ف كل بروز
ونفس وريدك الدامي
بيرميني
وينزفني
أنا اللي عارفني ..
من بدري ...
مواطن من بلد تالت
أنا الفالت ...
عشان أضحك
رمانى الضحك
ولقيتك
*-*

هذا الوطن
بحرين وشط مالوش قرار
نصب إنكسار
ونهار
ذليل

سنتشارك
في كِسرة الظل
بقايا الفراش
......
والضحكة المنزوعة الأظافر
لا روح تخدشنا
سوي الأنياب والحوافر
يا أيها العزيز
حزننا يسافر
والدم...
قصيدة ممهدة

ربنا يرحمك ويرحمنا يا مصري

الفلس وحش
والانصهار ف الصبر مش اكتر من طبطبة علي كتف مايل م الحمول
مخنوق وحاسس بالخمول
وقدامك حكاوى كتيرة
م الصعب تتأجل
...
قسط العربية
والأي فون
ورحلة لجزر القمر
بتحوش لها لك فترة
وكل شوية بيع
بيضيع
...
وديع
..
شكل البشر من تحت ضرس الرحى
زي الغبار يتهز بالمروحة
يتلموا كتلة يكونوا
إحساس
يتهشوا
لو
تتزغلل المصلحه
..
طعمك ياعمده ملهش طعم وروح
زي الصريخ علي فرخة طارت م السطوح
شكلك مضلم في الوضوح
أو زي نكتة بتتقلب
...
مذبحة
ــــــــــ
الفلس وحش
والحبل مش ثابت
وانت ف دراعك ضحكتين صافيين
وبسمة حلوة
عايزها توصل بيك
تفتح ف قلب الخنقة سطر براح
وتشعلق المعنى
علي كتف صاحب جد مش تقليد
...
بطل تعيد
وتزيد
الخلق فيها اللي انت بتقوله
وأكتر شوية عليك
طبطب
بملو عنيك
ع الجرح وإعبر فيه
من غير ما تخدش حاجة مش هى
وبلاش ترجّع نزفه من تاني
وتدوس بقصد عليه
..
خلص الصديد
..
والصدا
..
بيخف م المعدن
وهييجي بكره بنفس لمعانه
ياخد مكانه م الصور
والناس
تتلم ف اللقطة
..
زي اما بانوا ف أول التفسير

سنتشارك
...
في كِسرة الظل
بقايا الفراش
......
والضحكة المنزوعة الأظافر
لا روح تخدشنا
سوى
....
الغليظة الحوافر
...
يا أيها العزيز
حزننا
يسافر
...
والدم المقيم بالطريق
...
قصيدة ممهدة

وبعدهالك يعني مش ناوي
تعقل وتكفي الشر علي وشه
ورا كل شر تشق روحك بيه
تسبح له بحر وتاني وتخشه
...
روحك بتغرق ف الغروب
وتدوب
والضي لما يطن ... بتهشه
..
مبقتش عارفك لما ابص عليك
شكلك دا ولا الكدب بيغشه

وبعدهالك يعني مش ناوي
تعقل وتكفي الشر علي وشه
ورا كل شر تشق روحك بيه
تسبح له بحر وتاني وتخشه
...
روحك بتغرق ف الغروب
وتدوب
والضي لما يطن ... بتهشه
..
مبقتش عارفك لما ابص عليك
لسه العتامة مرصصة حواليك
والحزن عامل حفلة تحت عنيك
شكلك دا ولا
مازلت بتغشه

اللقطة البايخه اما تجّود
بتشل بوادر تفكيرنا
وشوية شوية بنتعود
والعادة بتمسخ مشاعرنا
..
بتهز دماغك وتعدي
وتبطل ف الخنقة تهدي
وسواء من يدك أو يدي

اللقطة البايخه اما تجّود
بتشل بوادر تفكيرنا
وشوية شوية بنتعود
والعادة بتمسخ مشاعرنا
..
بتهز دماغك وتعدي
وتبطل ف الخنقة تهدي
وسواء من يدك أو يدي

ولإني بهرب مني .. ف بروحلي
اخنق ف روحي البايشه وتبوحلي
شكل الحكايه بره تعبيري
أمشيري ..بس .....بمريله كحلي
..

أكبر شوية من القلق والخوف
واصغر تمللي من زوايا الشوف
شكل الوطن ف العتمة مش مألوف
بتحسه بس ف نغزة العوزة

زي الايدين الخشب ف الطبطبة ع القلب
القصد بتطمنك ..والفعل ..دم وسلب
الضحكة راكبة ف دقننا علطول
والعمر مهما يطول

أوسع شوية من القلق والخوف
واضيق تمللي من زوايا الشوف
شكل الوطن ف العتمة مش مألوف
بتحسه بس ف نغزة العوزة ’’
..
زي الايدين الخشب في الطبطبة ع القلب
بتطمنك ....لكن ..بتدمم المطرح
تضطر وانت مفيش ويا انفعالك شئ
تفتل بدقنك حبل.. للضحك ...يتمرجح

أوسع شوية من القلق والخوف
واضيق تمللي من زوايا الشوف
شكل الوطن ف العتمة مش مألوف
بتحسه بس ف نغزة العوزة ’’
..
النكتة محجوزة وبختمها الأصلي
بتبصي ليه ع الضحكة وتفاصلي
فاكره الشوارع وانت جوايا

أوسع شوية من القلق والخوف
واضيق تمللي من زوايا الشوف
شكل الوطن ف العتمة مش مألوف
بتحسه بس ف نغزة العوزة ’’
..
عايش ف قلب المجتمع والناس
بالشكل أو بالرأي مفروزة

شكلك وصلت لأخر ال.. معلش
والكورة سابت ملعبك ...بالغش
عشمان تهدف
طب بإيه
وإزاي
والجون بيصغر كل يوم ويكش

أخر هدايا العمر حبة جير
إرهاق بييجي ف كل لقطة كتير
إحساس بواقع مل م المشاوير
أو خنقة جايه بدون سؤال
..
بتخش
..

انا حي لسه بزك واتنفس
وبقوم ف نص الليل اتملا ف قرودي
باسهر ما بين الكتب من غير قرايه وصوت
وامسك قلم مخبوط ف دماغه يشبهني
فيقوللي مش فاضي ويسيبني وحديا
و أربع حيطان وفراغ
عاجن رؤاي
علي بعض
..
مش وقت قهوة وشاي
ولا نطنطات ف الصالة مجنونة
تسقط حمول الفكر من فوقي
خايف تصحّي النعسانين
فيقولوا عدا خلاص
ووصل لأخر
شط
والعودة
م الصعب تبقي ف وقتنا الحالي
..
نص انشغالي ف حسبة المصروف
والكحه والبنتين
والنص

انا حي لسه بزك
واتنفس
وبقوم ف نص الليل اتملا ف قرودي
باسهر ما بين الكتب
من غير قرايه
وصوت
وامسك قلم مخبوط ف دماغه يشبهني
فيقوللي مش فاضي ويسيبني وحديا
لأربع حيطان
وفراغ
عاجن رؤاي
علي بعض
..
مش وقت قهوة
وشاي
ولا نطنطات ف الصالة
مجنونة
تسقط حمول الفكر من فوقي
خايف تصحّي النعسانين
فيقولوا عدا خلاص
ووصل لأخر
شط
والعودة
م الصعب تبقي ف وقتنا الحالي
..
نص انشغالي ف حسبة المصروف
والكحه والبنتين
والنص ...
تايه فيه بقالي سنين
انا ابقي ايه
أو مين
ووصلت فين ..
أو فين
الاقيني

بطل كأبة ياعم واتلايم
علي حاجة تسند روحك البايشة
الدنيا مبتمنعش حد يفوت
الا اللي نفسه عليه
بتكتفه وحايشه
..
لملم أواخر حد كنته ف يوم

إعذروني لاني مش ثابت
ف الجتة قلب ابن قلب غشيم
يطلع ف اول يومه ومصحصح
وف أخره ينزل في العتامة يهيم
وف أوسطه
بيتوه
مابين الجوز
..
محجوز ف رف الدوخه والترحال
عايش بيضحك صورة مش أفعال
وإن يتسأل ف الرد ....عال العال
وبيمشي ....لكن ..
بالقلق مغروز
..
والفعل منه الضد جمب الضد
بيمد يد مكتفاها اليد
وكإنه عايز يتسند من حد
بس ف

لما شوفتك ف الدروب الخانقة روحك كنت رايح ولا جي ؟!
انت زي ولاد ذواتهم - لسه فاكر - ولا لما العمر عدا عرفت ان الذات سعادتك ف الاساس مش ليها زي
طب أخيرا يعني جاوب انت عايش .. ولا حي ؟!
..
النفس بيخش سالم

انت مرهق زي أغلبهم
أضعف ضعيف ف الريست يغلبهم
الحمل واقف منشكح ع الكتف

وأغلبهم
ضعيف الضعف يغلبهم
وأغلبهم
بيفضل تحت
هرم لازم عشان يكمل تكون القاعدة أكبر شئ
ومش موضوع

وأغلبهم
ضعيف الضعف يغلبهم
وأغلبهم
بيفضل تحت
هرم لازم عشان يكمل تكون القاعدة أكبر شئ
ومش محتاج قوي
للفحت