موضوع خاص بالفضفضة

تذكير بمساهمة فاتح الموضوع :

أبدأ أنا
-----
.....
أنا الطايش
انا الحلم اللي بيناغش
ف لقطة صدق ممسوحة
ومرمية
ف جنب طريق
أنا البحر اللي بيحاول
برغم الهوجة والزحمة ينجي غريق
أنا التفريق.....
بيجمعني
وكل ملامحك السودة
علي الموضة
بتوجعني
أنا المعني
ف نطق الأهة والدمعة
منيش شمعة
ف ركن بعيد ومش باين
أنا الكاين
ف كل بروز
ونفس وريدك الدامي
بيرميني
وينزفني
أنا اللي عارفني ..
من بدري ...
مواطن من بلد تالت
أنا الفالت ...
عشان أضحك
رمانى الضحك
ولقيتك
*-*

الوطن
مش باندماجه ف العروق
ولا ضحكه بايته لما بيهل الشروق
الوطن لما البروق تضرب مواطن ينحني
ويحامي فيه

وكان بيني وبينها يدوب مفيش خطوة
وكان الحلم له سطوة علي الموجود
وكانت هي شايفاني
..
ولما وصلت ليها لقيت عيونها البيت
بيسكن فيها حد غريب
وشئ تاني

مفيش تفاوت ف الطبقات
والدولة بتساوي الخدمات
إبن الوزير زي المتولي
أبو قطع ف جيوب الخلقات
..

اليوم دا وارد يبقى أخر بر

كبرت
وكبرت الحدوتة ع الاخر

ما علينا يعم
وكفايه
هاتلك ف قلب القلب طفايه
مش كل لحظة تقول لنا روايه
وتهش لما نكش ف الخنقة

اليوم دا وارد يبقى أخر ....بر
الخنقة راكبة عيونّي ..وبتجتر
داخل وخارج تهويمات الروح
مش مضطر

مفيش ع السطح شئ ساخر
وشوش غرقانه ف الربكة
..
كبرت
وكبرت الحدوتة ع الاخر
وتاهت مننا الحبكة

بقالك مدة مش مظبوط
بتوصل كل يوم شمسك لبعضيها
وتتسحب ف نص الليل علي طروف القلق وتروح لبنانيتك تغطيها
وبنت القلب كيف القلب حاسة بنغزة العيشة وبتحاول تعديها
تطبب ما أتي من جرح لاجل الآتي لو ييجي ..
..
يشوفني صحيح
..
بقالك مدة ضرب الريح معلم تحت أجفانك ..

بقالك مدة مش مظبوط
بتوصل كل يوم شمسك لبعضيها
وتتسحب ف نص الليل علي طروف القلق وتروح لبنانيتك تغطيها
وبنت القلب كيف القلب حاسة بنغزة العيشة وبتحاول تعديها
تطبب ما أتي من جرح لاجل الآتي لو ييجي ..
..
يشوفني صحيح
..
بقالك مدة ضرب الريح معلم تحت أجفانك ..
والوانك واخدها معاه وبيخطط في روحك روح
يسيبها ف رسمة سريالي عشان مهما النافوخ يتعب
...
ميفهمهاش
..
بقالك مدة مبتوعاش

مفيش تفاوت ف الطبقات
الدولة بتساوي الخدمات
إبن الوزير زي المتولي
أبو سوسة ف جيوب الخلقات
..

اضمم دراعك للقفص هتطمنه
وارسم قليبك ع الورق هتأمنه

مش لسه وف نفس المطرح
بتعتر الروح .......وبتسرح
ف الغيط تفكر ف

البيت وطن صغير ومزعجة الحياة
بتغير خط سيرها وتزود اتجاه
يمين شمال وتكسر ف نهاية المحطة
وإن تلقى ضحكة حاطه
مثبتتات وجود
..
إوعاك تشد روحك وتقولك انتباه

وهتمشي كتير وتمللي
الروح مخبوطة تمللي
مليون إحساس بيملي
ويلخبط شكل البوح
مزعج ف الصمت كلامي

سر
ربما مل الطريق من الخطى وكفاك

هتتعدل
بعيد عن هذه البؤرة
أو البورة
متفرقشي

شكل ال .. مافيش
يشبهنا بس بيختلف حبه
جايز نكون اعبط شوية وكرشنا هزاز
وبنستخبى ف ضهر ال

الشمس طلعت بعتت نور
وعلي الشجر غني العصفور
لسه الحياه بالخير هتدور
طول ما الشجر
بينبت ضل
...
طلع الحياه وبنفس الوش
ولا عمره وزع ورقه بغش
بيشيل وطن ف غصونه وعش
ولكل حالة بيعرف حل
..
مفرود بيطلع باصص فوق
من نن عين الشمس يدوق
مخلوق عشان الدنيا تروق
وتنظبط جو واحساس
..

خايف مازلت ولسه مش معترف
روحك يوماتى علي اللضا بتتصرف
عايش بتضحك ضحكة فيها اتنين

عديت خلاص البحر واتغطيت
من برد طوبة بصحبتين
مش طين
وتركت موج البحر بيعاني
من حظه يفضل فوقه
بني ادمين

وعادي ياعم مش عرجه
دي حجات عبيطة ف جتتي وخارجه
انا لسه بمشي بمنطقي
ومرتاح
بكل سذاجة ف دنيتي الدارجة
...
روحى الكئيبة بتسند العكاز
وبتجري صاحية ف ملعب الألغاز
كتروا اللي زانوا عتامة البرواز
وقزاز حيطانا بيستر الفرجه
..

هتعيش وتمشي وتتخبط وتخف
ويجوز ف أخر نقطة واضحة تلف
شكل الوطن بعد الوتر ما يجف
مش نفس شكله ف مريله
وكشكول